القسم السابع: الجهاد والشهادة والغنائم

ستون حصو: جهاد، شهادت ۽ غنيمتون

قال رسول الله ﷺ «ارْجِعْ إِلَى أَبَوَيْكَ فَاسْتَأْذِنْهُمَا، فَإِنْ أَذِنَا لَكَ فَجَاهِدْ، وإِلَّا فَبِرَّهُمَا».

رسول الله ﷺ فرمايو: ”پنهنجي والدين ڏانهن واپس وڃ ۽ انهن کان اجازت گهر، جيڪڏهن اهي توکي اجازت ڏين ته جهاد ڪر، نه ته انهن جي خدمت ڪر.“

قال رسول الله ﷺ «الْمُجَاهِدُ مَنْ جَاهَدَ نَفْسَهُ فِي الله عَزَّ وَجَلَّ».

رسول الله ﷺ فرمايو: ”مجاهد اهو آهي جيڪو الله عز و جل جي راهه ۾ پنهنجي نفس سان جهاد ڪري.“

قال رسول الله ﷺ «سَتُفْتَحُ عَلَيْكُمْ أَرَضُونَ، وَيَكْفِيكُمُ اللهُ فَلَا يَعْجِزُ أَحَدُكُمْ أَنْ يَلْهُوَ بِأَسْهُمِهِ».

رسول الله ﷺ فرمايو: ”جلد ئي توهان لاءِ زمينون فتح ڪيون وينديون، ۽ الله توهان لاءِ ڪافي هوندو، پوءِ توهان مان ڪو به پنهنجي تيرن سان کيڏڻ (مشق ڪرڻ) کان عاجز نه رهي.“

قال رسول الله ﷺ «عَلِّمُوا أَبْنَاءَكُمُ السِّبَاحَةَ والرِّمَايَةَ».

رسول الله ﷺ فرمايو: ”پنهنجي ٻارن کي ترڻ ۽ تيراندازي سيکاريو.“

قال رسول الله ﷺ «لَا يَجْتَمِعُ غُبَارٌ فِي سَبِيلِ اللَّهِ عَزَّ وَجَلَّ وَدُخَانُ جَهَنَّمَ فِي مَنْخِرَيْ مُسْلِمٍ أَبَدًا».

رسول الله ﷺ فرمايو: ”الله عز و جل جي راهه ۾ اڏامندڙ مٽي ۽ جهنم جو دونهون ڪنهن به مسلمان جي نڪ ۾ ڪڏهن به گڏ نه ٿيندا.“

قال رسول الله ﷺ «وَأَعِدُّوا لَهُم مَّا اسْتَطَعْتُم مِّن قُوَّةٍ، قَالَ: أَلَا إِنَّ الْقُوَّةَ الرَّمْيُ، أَلَا إِنَّ الْقُوَّةَ الرَّمْيُ، أَلَا إِنَّ الْقُوَّةَ الرَّمْيُ».

رسول الله ﷺ (قرآن جي آيت ”۽ انهن لاءِ جيترو ٿي سگهي قوت تيار رکو“ جي وضاحت ڪندي) فرمايو: ”خبردار! بيشڪ قوت تيراندازي آهي، خبردار! بيشڪ قوت تيراندازي آهي، خبردار! بيشڪ قوت تيراندازي آهي.“

«نَهَى النَّبِيُّ ﷺ عَنْ قَتْلِ النِّسَاءِ وَالصَّبْيَانِ».

نبي ﷺ عورتن ۽ ٻارن کي قتل ڪرڻ کان منع فرمايو.